loading

نفقة الصغير…..

نفقة الصغير …….
. هو انا امتى مادفعش النفقه لأبنى .. ؟؟
مع ان انسانيا مينفعش متدفعش نفقة لأبنك
ولكن نظرا لاستغلال بعض المطلقات لتعثر الأب ماديا
وخاصة وان الحبس أصبح وجوبى فى حال عدم دفع النفقة

● الا ان فى حالات كتير لو توافرت ممكن ماتدفعش النفقه لابنك أو لبنتك حتى لو كانو لسه فى سن الحضانه … !!! طيب ازاى ..؟

بص ياسيدى أولا المفروض أن نفقة الابن على أبيه أن لم يكون للصغير مال … ؟؟ يعنى ايه .. ؟؟ يعنى لو الطفل عنده فلوس يقدر يعيش منها يبقى فى الحاله دى الأب مش ملزم بالنفقه .. ؟؟ طيب وهو معقول أن يكون فى طفل عنده فلوس ويقدر يصرف على نفسه .. ؟؟ اه طبعا معقول بس مش بالشكل إلى انت فاهمه .. !!! أومال ازاى .. ؟؟ أقولك انا ياسيدى ازاى طبعا فى كتير مننا اول لما بيجمع مبلغ بيروح يفتح حساب أو شهاده بإسم ابنه علشان يأمن مستقبله وفى كمان بيروح يشترى شقه أو عقار ويكتبه بإسم ابنه علشان يدخل مبلغ كل شهر .. طيب كل ده ايه علاقته بالموضوع .. ؟؟
اقولك انا ايه علاقته بالموضوع .. أولا انت لو أثبت أن الشهاده دى أو الشقه أو أن الطفل له دخل أو مبلغ ثابت بيدخله كل شهر أو كل فتره يقدر يعيش منه يبقى فى الحاله دى حضرتك مش ملزم بالنفقه وطبعا سهل جدا انك تثبت الكلام ده .. وعلى فكره مش شرط يكون عند الصغير مال تكون انت الى دافعه لا ممكن يكون الطفل عنده ميراث ويقدر يعيش منه .. يعنى مش شرط يكون الفلوس او الحاجه الى عنده انت الى جايبهاله

شرعي

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

تواصل معنا الان